ភ្នំពេញ៖ សភាកម្ពុជានឹងបោះឆ្នោតរើសអនុប្រធានទី១ ក្រោយព្រះរាជពិធីបុណ្យអុំទូករួច។ ការបោះឆ្នោតនេះគឺដើម្បីជំនួសតំណែង លោក ងួន ញ៉ិល ដែលបានទទួលមរណភាពកាលពីថ្ងៃទី៥ ខែវិច្ឆិកា កន្លងទៅ។
គេនៅមិនទាន់ដឹងច្បាស់ទេថាអ្នកណាជាបេក្ខភាពដែលគណបក្សកាន់អំណាចជ្រើសរើសឱ្យមកកាន់តំណែងជាអនុប្រធានទី១នេះនៅឡើយទេ ខណៈមានព័ត៌មានលេចឮថា អាចជា លោក ជាម យៀប ដែលត្រូវបានគណបក្សប្រជាជនជ្រើសរើសឱ្យកាន់តំណែងកំពូលសភានេះ។
មាត្រា៨៧ នៃរដ្ឋធម្មនុញ្ញឱ្យដឹងថា អនុប្រធានសភា គឺជាអ្នកមានភារៈចាត់ចែង ការងារ ជំនួសប្រធានសភាពេលដែលប្រធានអវត្តមាន។ ក្នុងករណីអនុប្រធានរដ្ឋសភា លាលែងពីមុខតំណែង ឬទទួលអនិច្ចកម្ម រដ្ឋសភាត្រូវបោះឆ្នោតជ្រើសតាំងប្រធាន ឬអនុប្រធានថ្មី៕
